Min Name isch Eveline Schanz und ich bin Afangs Drissgi. Scho als chliises Meitli, hät mich s‘ Nähe fasziniert. Miis Mami isch als Nählehrerin i verschiedene Kürs für Erwachseni tätig gsi und hät au mir s Nähe biibracht.

Vor es paar Jahr han ich denn als Wiehnachtsgschänkli chliini Kosmetiktäschli us Wachstuech gnäht. Us dene Gschänkli isch s Label „Für diich...“ entstande.

Demit ich mini Freud über die selber gnähte Sache chan teile, bin ich im Winter regelmässig a Wiehnachtsmärt unterwegs, stelle mini selber gnähte Sache au a Koffermärt us und duen uf Bstellig nähe.

D Produkt werded jewiils nachem erste Chäufer oder Beschänkte benännt.

Das Ganze betriib ich als Hobby. Brueflich schaf ich ufere Bank und han im Summer 2021 no mis Masterstudium abgschlosse.